Steve Jobs vdiq duke qenë një bilioner, me një pasuri prej 7 bilion dollarësh. Ai ndërroi jetë në moshën 56-vjeçare, pasi nuk arriti që të fitonte luftën me kancerin e pankreasit.
“Tiranatoday.al” vendosi që të risjellë për ju disa nga fjalët më domethënëse që Steve Jobs ka thënë teksa ishte në shtratin e vdekjes.
Ja “testamenti” i tij për njerëzimin: “Në këtë moment, i shtrirë në krevat, i sëmurë dhe duke kujtuar gjithë jetën time… Po kthjellohem dhe me bindje them se të gjitha njohjet që kam, janë të pakuptimta përballë vdekjes. Ti mund të punësosh dikë që t’i japë makinës për ty, të bëjë para për ty, ama ti kurrsesi nuk mundesh që të marrësh dikë me “qira” që të përjetojë sëmundjen tënde për ty. Sa më shumë të kalojnë vitet, aq më të zgjuar bëhemi dhe dalëngadalë ne kuptojmë se një orë që kushton 30 dollarë e tregon kohën njëlloj si një orë tjetër që kushton 300 dollarë. Një makinë që kushton 150,000 dollarë, njësoj si ajo që kushton 2000 dollarë përshkrojnë të njëjtën rrugë, të njëjtën distancë, kryejnë të njëjtin funksion, na çojnë në të njëjtin destinacion.
Nëse ne pimë një shishe verë që kushton 300 dollarë, do dehemi njëlloj sikur të kemi pirë një shishe verë që kushton 10 dollarë. Prandaj njerëz, mos i edukoni fëmijët tuaj që të jenë të pasur,por edukojini se si ata të jenë të lumtur. Kësisoj, kur ata të rriten do të dinë vlerën e gjërave, jo çmimin. Kushdo që të do, kurrë nuk do të largohet nga ti, edhe nëse ka 100 arsye për të të braktisur. Nëse të do, do ta gjejë një arsye që të të mbajë dhe mos të të humbasë.
Mos harro: Ka një diferencë të madhe mes të qenurit “human” dhe të qenurit thjesht qenie humane. Dhe kjo është e fundit, por jo më pak e rëndësishmja: Nëse dëshiron që të ecësh shpejt, ik vetëm, por nëse dëshiron që të shkosh shumë larg, atëherë ec bashkë me të tjerët”. /TIRANATODAY
