Një tjetër pacient ka humbur jetën ditën e sotme nga koronavirusi në Shqipëri. Bëhet fjalë për një 70-vjeçar nga Shkodra, i cili po trajtohej në terapi intensive.
Mësohet se viktima vuante nga diabeti dhe ishte i shtruar prej disa ditësh në gjendje të rëndë. Kështu shkon në 56 numri total i personave që kanë humbur jetën nga koronavirusi në Shqipëri.
Kujtojmë se gjatë paradites humbën jetën edhe dy të prekur të tjerë me COVID 19, një 70- vjeçar nga Shkodra dhe një 54 vjeçar nga Tirana. Sipas Ministrisë së Shëndetësisë, të dy viktimat kishin edhe sëmundje bashkëshoqëruese.
