Franca ka regjistruar një tjetër bilanc tragjik nga koronavirusi në 24 orët e fundit.
Sipas mediave franceze, gjatë orëve të fundit kanë humbur jetën 1341 persona nga COVID-19.
Kjo është një rritje shumë e madhe për vendin, i cili vetëm një ditë më parë regjistroi 541 të vdekur. Kështu shkon në 12,210 numri total i viktimave të shkaktuara nga koronavirusi në Francë.
Ndërkohë janë regjistruar 4,799 raste të reja, duke e çuar në 117,749 numrin total të rasteve të konfirmuara. Deri më tani janë shëruar më shumë se 23 mijë persona në vend, ndërsa mbi 80 mijë raste janë ende aktive.
Franca është një nga katër vendet më të prekura nga koronavirusi në botë. Ajo renditet e katërta si për numrin më të madh të viktimave, ashtu edhe për numrin më të madh të rasteve.
- Italia vijon të mbajë kryesimin për numrin më të madh të vdekjeve të shënuara nga ky virus (18,279).
- Shtetet e Bashkuara ia kanë kaluar Spanjës sot për numrin më të madh të viktimave, duke shënuar 14,797 persona të vdekur.
- Spanja renditet e treta me 15,238 viktima.
- Franca – 12,210 viktima.
- Mbretëria e Bashkuar – 7,984 viktima.
- Irani – 4,110 viktima.
- Kina – 3,335 viktima.
- Belgjika – 2,523 viktima.
- Gjermania – 2,451viktima.
- Holanda – 2,396 viktima.
Ndërkohë Shtetet e Bashkuara regjistrojnë numrin më të madh të rasteve nga COVID-19 (455,454).
