Ish-kryetari i Aleancës Kuq e Zi, Kreshnik Spahiu e konsideroi paketën anti-shpifje nga ana juridike “antikushtetuese”. Me arsyetimin se ky projektligj bie në kundërshtim me Konventën Ndërkombëtare të të Drejtave të Njeriut.
I ftuar mbrëmjen e djeshme në emisionin “Open”, Spahiu tha se qeveria po i paraprin mbylljes së rrjeteve sociale, siç ndodhi në Kinë.
“Ky projekt ligj po i paraprin një tjetër çmendurie siç ndodhi në Kinë ku u mbyll Instagrami dhe Facebooku dhe u krijuan rrjete sociale kineze. Për sa i përket anës juridike ligji është antikushtetues. Është antikushtetues sepse bie në kundërshtim me Konventën Ndërkombëtare të Drejtave të Njeriut.
Pastaj portali dhe rrjetet sociale janë një hapësirë globale dhe nuk janë pronë e shtetit kombëtar” tha Spahiu.
