Pas lajmit se aktori i njohur holluvudian, Tom Hanks ishte prekur nga koronavirusi vjen edhe një tjetër lajm i trishtë nga bota e aktrimit.
Aktori i njohur, Idris Elba ka pohuar se ka rezultuar pozitiv me koronavirus. Ai e konfirmoi këtë lajm përmes një videojë të shpërndarë në Twitter.
“Këtë mëngjes rezultova pozitiv për Covid 19. Ndihem mirë, nuk kam asnjë simptomë deri më tani, por jam izoluar që kur mësova për ekspozimin tim të mundshëm ndaj virusit. Ja, kjo është serioze”, tha ai, duke u shfaqur pranë bashkëshortes së tij, Sabrina, në një video të postuar në mediat sociale.
“Tani është koha të mendojmë vërtet për distancimin shoqëror, duke larë duart”, thotë ai në videon e postuar.
https://twitter.com/idriselba/status/1239617034901524481
Elba tha se ishte testuar për koronavirus të premten e kaluar, pasi dikush që ai e njihte ishte ekspozuar ndaj një personi të testuar pozitiv.
Ylli amerikan i bashkohet listës së aktorëve që kanë rezultuar pozitivë nga ky virus kohët e fundit, duke përfshirë Tom Hanks, Rita Wilson dhe ish vajzën e Bondit, Olga Kurylenko.
