Në mesin e viktimave në New York të SHBA-së, është edhe një shtetas shqiptar. Viktima është një 61-vjeçar nga Dibra e Madhe, dhe se të infektuar janë edhe 10 shtetas të tjerë shqiptarë.
New York-u është ndër shtetet më të prekura nga koronavirusi në Shtetet e Bashkuara të Amerikës, por njëkohësisht edhe një vend ku jetojnë shumë shqiptarë.
Sakaq, në vendin tonë sot ka shkuar në 146 numri i të infektuarve me koronavirus. Mira Rakacolli, Zv/Ministre e Shëndetësisë, ka bërë me dije se në 24 orët e fundit në Shqipëri janë konfirmuar 23 raste të reja me COVID-19, dhe janë kryer 111 testime.
Deri në këto momente janë testuar 1041 raste të dyshuara, dhe prej tyre janë të konfirmuar pozitivë me COVID-19, 146 qytetarë.
