Mësohet se një person ka kryer vetëvrasje me armë zjarri para ndërtesës së parlamentit të Serbisë.
Sipas REL, Ministria e Brendshme e Serbisë tha se një person në të 50-tat e ka qëlluar veten me armë zjarri në gojë. Personi e kreu këtë akt në shkallët që çojnë në hyrjen e ndërtesës së parlamentit dhe ka mbetur i vdekur në vend.
Kjo është vetëvrasja e dytë në po atë vend që nga viti 2002, kur ish-ministri i Brendshëm, Vlajko Stojiljkoviq, qëlloi veten për vdekje pak pasi ligjvënësit kaluan një ligj që lejonte ekstradimin e të dyshuarve nga tribunali i Hagë për krime lufte.
