Koreja e Veriut ka shpallur gjendjen e emergjencës, pasi një person i dyshuar me koronavirus ka hyrë në territorin e vendit.
Sipas Daily Mail, pas rastit të dyshuar me koronavirus, Kim Jong Un ka thirrur një takim urgjent të byrosë politike.
Nëse personi në fjalë do të konfirmohet pozitiv, ky do të jetë rasti i parë me koronavirus në Korenë e Veriut. Deri më tani, zyrtarët e vendit komunist thonë se nuk është regjistruar asnjë rast.
Lideri korean shpalli gjendje emergjente dhe vendosi karantinë në qytetin kufitar, Kaesong, duke thënë se kjo është një situatë kritike, në të cilën virusi i dhunshëm mund të thuhet se ka hyrë në vend.
KCNA raporton se një person që kishte dezertuar në Korenë Jugore tri vjet më parë, është kthyer në vend përmes kufirit të fortifikuar, duke pasur simptoma të ngjashme me Covid-19.
