E enjte, 21 Tetor, 2021
8.5 C
Tirana

Një avion bosh nga Kabuli, merr në bord vetëm gruan e një ish-marinsi

Një ish-komando i Marinës Mbretërore që përpiqet të ndihmojë njerëzit të largohen nga kryeqyteti i Afganistanit, Kabul, ka paralajmëruar: “Ne do të lëmë kaq shumë njerëz pas”.

Paul “Pen” Farthing, i cili ka drejtuar një strehëz kafshësh në qytet, përshkroi për “Sky News” udhëtimin e tij para agimit në aeroportin e Kabulit të enjten, në mënyrë që gruaja e tij Kaisa të mund të evakuohej.

Ajo më pas hipi në një aeroplan transporti ushtarak C-17 Globemaster, ndërsa po shkonte në vendlindjen e saj në Norvegji, pasi përpjekja e saj e mëparshme deshtoi për të kapur një avion.

Por Farthing mbeti i shokuar nga një “skandal”. Një avion është nisur pothuajse bosh nga Kabuli. Kaisa ishte e vetme që udhëtonte nga Afganistani, ndonëse mijëra afganë prisnin të largoheshin nga vendi.

Qindra njerëz janë duke pritur jashtë Aeroportit të Kabulit, duke u përpjekur të dalin nga Afganistani. Ai vetë është zotuar se do të qëndrojë në Kabul derisa 71 anëtarët e tjerë të stafit të tij afgan dhe familjet e tyre të kenë gjetur një rrugë jashtë vendit.

Duke folur për “Sky News” nga kryeqyteti i Afganistanit, Farthing – i cili shërbeu në provincën Helmand të vendit në mesin e viteve 2000 – përshkroi se si ai dhe gruaja e tij vendosën të bënin udhëtimin drejt aeroportit të Kabulit, kur ishte ende errësirë.

Kjo ishte për të shmangur turmat e mëdha “të paktën nja dy mijë njerëz” që grumbullohen jashtë aeroportit çdo ditë.

“Të shkosh natën, padyshim që ka rreziqet e veta – ishte zgjedhja e dy të këqijave dhe fatmirësisht u pagua”, tha ai.

Farthing zbuloi se si avionët po ngrihen nga aeroporti çdo orë “pavarësisht nëse janë të mbushur apo jo”, duke shtuar: “Njerëzit nuk mund të hyjnë, nuk mund të hyjnë në aeroport”.

Lexo edhe :   Koreja e Veriut lëshon një raketë balistike në brigjet e Japonisë

“Ne do t’i lëmë njerëzit prapa, kjo është një e dhënë absolute”, tha ai për situatën “prekëse” në Kabul.

“Ky është një shkatërrim absolut i një evakuimi. Ne do të shikojmë disa skena absolutisht të tmerrshme”.

Të paktën 12 persona thuhet se kanë vdekur që nga e diela, për të cilën z. Farthing tha se “nuk duhet të ndodhë”.

Ai tha se kishte “absolutisht frikë” nga mendimi se do të kishte të njëjtin udhëtim në aeroport, në përpjekje për të ndihmuar në evakuimin e stafit të tij të mbetur.

“Në mendjen time tani është, nëse ata marrin një fluturim, si do t’i çoj në aeroport?”, shtoi ai.

Lexo edhe :   Koreja e Veriut lëshon një raketë balistike në brigjet e Japonisë

Ai përshkroi se si jashtë aeroportit, nuk ka “asnjë kontroll” me disa njerëz që mbërrijnë me pasaporta dhe dokumentacionin e duhur dhe të tjerët jo.

Duke shpjeguar premtimin e tij për të mos u larguar nga Afganistani, deri sa stafi i tij të evakuohej, Farthing tha: “Ne e shkatërruam vendin e tyre në një hap dhe unë nuk do të bëj të njëjtën gjë si politikanët. Qeveritë që janë të përfshira në këtë … ata janë ulur atje tani pa asnjë ide se si do të evakuohen”.

Ai shprehu zemërimin e tij se si qeveritë perëndimore kishin 18 muaj kohë për t’u përgatitur për tërheqjen nga Afganistani, dhe u dëshpërua nga situata “tmerruese, absolutisht tmerruese” në Kabul.

“Ne do t’i lëmë njerëzit prapa, dhe unë mund të shoh se ushtarët do të plagosen rëndë ditën e fundit kur fluturojnë aeroplanët e fundit”, shtoi Farthing.

Burimi i lajmit: Sky News. Përshtatur nga Tirana Today

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...