E mërkurë, 13 Tetor, 2021
14.5 C
Tirana

Tahiri në ‘rrezik’, ç’do ndodhë nëse ish-truprojat vendosin të flasin

Dy ish-truprojat e ish-ministrit të Brendshëm, Saimir Tahiri, u arrestuan për llogari të Strukturës së Posaçme Kundër Krimit të Organizuar dhe Korrupsionit, në kuadër të operacionit “Shpirti”. Fakti që SPAK aplikoi metodën e Antimafies Italiane, ku përdori informatorët dhe një pjesëtar të bandës, të cilit iu dha statusi i të penduarit të drejtësisë, jep sinjale se ish-ministri i Brendshëm rrezikohet. Nëse dy ish-truprojat e Tahirit, Hekuran Marku dhe Paul Deda ekstradohen në Shqipëri dhe japin pëlqimin për t’u kthyer në bashkëpunëtorë të drejtësisë, ish-ministri socialist rrezikohet nga drejtësia.

Dolën në përgjimet e operacionit “Shpirti”, 2 ish-shoqëruesit e Saimir Tahirit arrestohen në Francë dhe Gjermani

Dy ish-truprojet e ish-ministrit Saimir Tahiri, Hekuran Marku dhe Paul Deda alias Agustin Deda, ishin në kërkim ndërkombëtar prej 2 muajsh, pasi dolën në përgjimet e megaoperacionit “Shpirti”.

Hekuran Marku është arrestuar në Gjermani dhe Agustin Deda është arrestuar në Francë.  Sipas dosjes së SPAK, ata akuzohen se në bashkëpunim me 4 italianë dhe një shqiptar të njohur si Eltjon Bregu, kanë trafikuar rreth 1 ton kanabis drejt Italisë, drogë që iu sekuestrua dy të arrestuarve në Bari, Fiqiret Seferi dhe Ferhat Ajdini.

SPAK dyshon se Deda dhe Marku kultivuan drogë me Bregun dhe tentuan ta trafikonin për t’ua dorëzuar katër italianëve. Emrat e Agustin Dedës dhe të Hekuran Markut dolën nga dëshmia e 4 të penduarve të drejtësisë, të cilët kanë rrëfyer për trafikun e drogës nga Shqipëria drejt Italisë. Ata bashkëpunuan duke dhënë informacione për 3 vite, pas të cilave SPAK, në bashkëpunim me Antimafian italiane, Eurojust dhe DIA, dokumentuan aktivitetin kriminal të 4 grupeve që trafikonin drogë nga Shqipëria drejt Italisë dhe Spanjës.

Dy ish-shoqëruesit e Tahirit, janë mes 38 urdhër-arresteve të prera në kuadër të këtij operacioni, që është rrjedhë e zhvillimeve hetimore të operacioneve “Shefi” e “Kulmi”, ekzekutuar në 2018 e 2020 nga Drejtoria e Antimafias Italiane të Barit, ku u arrestuan 37 persona, u sekuestruan 40 milionë euro drogë, 4 milion euro asete si prona, automjete e para cash.

Në 28 shtator në orën 10:00, Tahiri ka seancën e radhës gjyqësore në Gjykatën e Lartë, por nëse ish-truprojat vendosin të flasin, vjeshta do të rezervojë surpriza për ish-ministrin e Brendshëm.

Ky i fundit u vu nën akuzë pas arrestimit të grupit “Habilaj”. Seanca gjyqësore për Jaeld Çelën dhe Saimir Tahirin do të mbahet më 28 shtator ora 10:00, në Gjykatën e Lartë. Ish drejtori i policisë së Vlorës, Jaeld Çela u vetëdorëzua vitin e kaluar. Ish zyrtari i lartë u dënua me 3.4 vite burg për “shpërdorim detyre”, ndërsa ish-ministri Tahiri u dënua nga Krimet e Rënda për shpërdorim detyre me 3 vite shërbim prove.

Kujtojmë se Jaeld Çela, ish-ministri i Brendshëm Saimir Tahiri dhe dy ish zyrtarët Sokol Bode dhe Gjergj Kohila, akuzohen se ishin edhe pjesë e grupit të Habilajt që mbillte drogë në Shqipëri dhe e transportonte me skafe në Itali.

TIRANA TODAY

- Reklama -

Më shumë nga kategoria




Të fundit

Sa do të shtrenjtohet energjia?

Qoftë për ngrohje, furnizim me karburant, apo për faturën e energjisë elektrike: konsumatorët duhet të paguajnë gjithnjë e më shumë para për energji. Cilat...

Si po tallet Sali Berisha me viganët e historisë

Nga: Pajtim Bello Sali Berisha, si në fillimet e 1991, kërkon të sëmbojë demokratët e Kukësit duke evokuar historinë e trevës së tyre. Sjellje tipike...

Mashtrimi me kreditë/Lihet në burg infermierja, lirohet bashkëpunëtorja

Gjykata e Tiranës ka lënë në fuqi vendimin "arrest me burg" për infermieren Elisabeta Bardhollari dhe "arrest shtëpie" për Orjada Hoxhën, pasi akuzohen për...

I mori jetën gruas në sy të foshnjes/Piloti 33-vjeçar nuk kishte bashkëpunëtor

Autoritetet greke kanë dalë në përfundimin, se në krim për vrasjen e 20-vjeçares Caroline Crouch në muajin maj në Greqi është i shoqi 33-vjeçar,...

Herët a vonë të gjithë do të thonë: E dua Doktoreshë Albanën

Nga: Lorenc Vangjeli Doktoreshë Albana Fico është një emër shumë i njohur në Tiranë. Në një kohë tjetër, ajo dhe shumë kolegë të tjerë si...