Kryeministri Edi Rama ka publikuar disa foto nga punimet për rrugën e Thethit, teksa thekson se ndërtimi i saj do t’i japë një shtysë të fortë zhvillimit të turizmit malor.
Në postimin e tij në Facebook, Rama shton se përveç tjerash kjo rrugë do shërbejë edhe si një mbështetje e madhe për banorët e asaj zone.
Sipas kryeministrit, punimet për këtë rrugë do të zgjasin 10 muaj, duke parashikuar përfundimin e saj në muajin korrik të vitit 2020.
Postimi i plotë:
JA EDHE KANTIERI I SAPONGRITUR i rrugës turistike të Thethit, ku pas 30 vjetësh premtime e zhgënjime ka nisur puna, tamam siç ishim zotuar, për t’i dhënë një shtysë të fortë zhvillimit të turizmit malor në Qarkun e Shkodrës, si edhe një mbështetje të madhe banorëve të asaj zone të bekuar, të cilët edhe pse thuajse të izoluar nga bota, kanë ndërtuar me mund e mençuri një model biznesi të admirueshëm duke e kthyer traditën e mikpritjes në burim ekonomik? #RESPEKT?
- Rruga e re nis në Qafë Thore e përfundon në qendrën e Thethit
- Afati per realizimin e punimeve 10 Muaj – Korrik 2020
- Ata që para disa javësh në këtë faqe e përqeshnin postimin e videoprojektit të kësaj rruge turistike në 3D, të bëhen “burra” e të mos shkelin kurrë në këtë rrugë?
