Studentët nga të gjitha universitetet e vendit kanë paralajmëruar rikthimin e protestave para Ministrisë së Arsimit, për shkak se “Pakti për Universitetin” nuk është përmbushur ashtu siç është premtuar. Ndryshe mendon kryeministri Rama, i cili u jep një përgjigje me anë të një videoje, të cilën e ka postuar në Facebook. Bashkëngjitur saj ai ka shkruar:
“MIRËMËNGJES dhe me këtë video informacion mbi angazhimet e mbajtura në kuadër të Paktit për Universitetin, ju uroj një ditë të mbarë”.
Sot në orën 12:00, studentët do të mblidhen para Ministrisë së Arsimit, për të kërkuar arsim cilësor dhe punësim.
Slogani i tyre është “Së bashku për Shqipërinë si gjithë Europa, së bashku për ndryshimin”.
Kjo protestë pritet të jetë në valën e asaj që nisi në dhjetor të 2018-ës, por që u shua pas disa javëve qendresë.
