Gazetari i njohur Albert Limani, ka nisur një peticion për pranimin e shtetit të Kosovës në festivalin e muzikës europiane “Eurovision”.
Limani ka krijuar një peticion online, duke kërkuar mbështetjen e qytetarëve për të bërë pjesë edhe Kosovën në kompeticionin më të madh të muzikës në Evropë.
“Eurovisioni mbaroi për këtë vit, por jo edhe angazhimi jonë për ta çuar Kosovën vitin e ardhshëm në Itali. Duke vlerësuar rëndësinë e zërit të qytetarëve, kërkojmë nga ju që të na mbështesni duke nënshkruar këtë peticion i cili ka për qëllim ta dërgojë Kosovën në Eurovision 2022. Kosova tashmë është pjesë e organizatave të mëdha dhe është koha që edhe Rrjeti i Transmetuesve Evropian (EBU) t’i hapë dyert për Kosovën (RTK),”-shkruan gazetari.
Nëse doni dhe ju të mbështesni nismën e ndërmarrë nga Kosova, klikoni KËTU.
Ndërkohë, Shqipëria u përfaqësua këtë vit në Eurovizion, nga këngëtarja Anxhela Peristeri, me këngën e saj ”Karma”. Peristeri ia doli që të kualifikonte Shqipërinë në natën finale, teksa u rendit në vendin e 21-të me 57 pikë.
