E enjte, 20 Janar, 2022
10.5 C
Tirana

Nis Asambleja e PS, Rama: Kur mora detyrën FMN më kërkoi uljen e rrogave dhe pensioneve, nuk pranova

Kryeministri Edi Rama ka hapur Asamblenë Kombëtare të Partisë Socialiste, që ka nisur pak më parë tek Amfiteatri te Liqeni i Tiranës.

Rama e nisi fjalën e tij para socialistëve duke kujtuar kohën e 7 viteve më parë, kur mori detyrën si kryeministër.

Pjesë nga fjala e Ramës:

Kur bëhen 7 vjet nga dita kur ne morëm detyrën mund të thuhet me plot gojë se jemi në kushtet kur e keqja më e madhe është harruar ose duhet kujtuar dhe rikujtuar, sepse dita kur ne nisëm këtë rrugëtim nuk ka asgjë të ngjashme në raport me punët e vendit me ditën ku jemi sot, por në të njëjtën kohë sic e keqja harrohet shpejt, e mira s’ka fund. Ne duhet të mbajmë parasysh që teksa numërojmë me të drejtën tonë ato që kemi bërë, në asnjë moment të mos ja themi vetes dhe të mos lëmë për më tepër përshtypjen te të tjerët se jemi të kënaqur me sa kemi bërë. Kur kthejmë kokën pas është e vështirë të zgjedhësh cfarë të kujtosh më parë në raport me sa shumë na është dashur të bëjmë. Mandati i parë ishte përpjekja për të ndaluar një inerci rrënimi dhe një hemorragji të rrezikshme në raport me financat e vendit. Kur jemi ulur në detyrë dhe kemi parë mbi tryezë të dhënat reale të vendit kemi qenë përballë sfidës së madhe të financimit të rrogave dhe pensioneve pa pasur nevojë që t’i ulim ato.

E kujtoj si sot bisedën shumë të vështirë me FMN, i cili insistonte që duhet ta fillonim nga ulja e rrogave dhe pensioneve dhe refuzonte idenë tonë se ne do të kompensonim boshllëkun e atëhershëm me një reformë shumë agresive në fushën e energjisë, që ishte dhe burimi kryesor i hemorragjisë së vendit në aspektin financiar. S’e harroj kur përfaqësuesit e FMN më janë drejtuar dhe më kanë thënë se “këtë e kemi dëgjuar nga të gjithë kryeministrat e mëparshëm, por në të vërtetë kjo reformë në Shqipëri nuk bëhet”. Sot, atyre që ankohen për gjithçka, iu duhet kujtuar se mbanin radhën në shi për të paguar fatura afrofe të energjisë elektrike, që i paguanin për vete dhe për gjysmën e dynjasë, që nuk denjonte të paguanin.

- Reklama -

Më shumë nga kategoria




Të fundit

Basha pritet me protesta në Laç, ndërhyn menjëherë policia

Kreu i PD-së, Lulzim Basha, është pritur me protesta në qytetin e Laçit. Simpatizantë të Partisë Demokratike që nuk janë dakord me të, kanë...

Meta ia merr këngës me Bujar Qamilin në Shkodër (VIDEO)

Për pak çaste, kreu i shtetit ka harruar zhvillimet politike, duke iu dedikuar pak vetes. Presidenti Meta ia ka marrë këngës me këngëtarin e...

Përplasja te “5 Maji”, Rama: E mira e përbashkët nuk merret peng nga askush

Dje nisi aksioni për shembjen e banesave në lagjen “5 maji” në Tiranë. Forcat policore rrethuan zonën, pasi një pjesë e banorëve kundërshtuan shembjen...

Donaldi shpallet banori më i padëshiruar në “Big Brother” (VIDEO)

Dje në "Big Brother Vip", banorët zhvilluan një spektakël, ku secili rrëmbeu nga një çmim. Pas spektaklit, Egzona si moderatore i ndau çmimet, ku...

Shpërthimi në Tonga, 500 herë më i fuqishëm se bomba atomike e Hiroshimës

Kombi i vogël ishullor i Tongës humbi një nga ishujt e tij më të vegjël, pasi një shpërthim gjigant vullkanik copëtoi tokën në copa...