Kreu i qeverisë, Edi Rama, i besoi detyrën e kryetares së Parlamentit ish-ministres së Arsimit, Lindita Nikolla.
I ftuar në emisionin “Opinion” në Tv Klan, Rama tha se Nikolla është personi i duhur për këtë detyrë, dhe me shumë kontribute brenda Partisë Socialiste. Ai sqaroi më tej se gjatë gjithë rrugëtimit të vetë, Nikolla ka treguar përkushtim e ndershmëri, pasi është një person që është i prirur për të folur me të gjithë.
“Është personi më i duhur për të gjithë kontributin që ka dhënë. E ka filluar nga shkalla e parë e bazës deri këtu ku është sot, sepse është një person që gjatë gjithë rrugëtimit të vetë ka treguar përkushtim, seriozitet, ndershmëri, sepse është një person që është i prirur për të folur me të gjithë. Dhe sepse është një grua zonjë që i shkon shumë mirë atij vendi”, deklaroi Rama.
