Ngushtohet “laku” për përgjegjësit që shkaktuan tragjedinë e Gerdecit, ku nga shpërthimi i punishtes së vdekjes u vranë 26 të pafajshëm dhe u plagosën mbi 300 të tjerë. Një betejë e gjatë dhe e ashpër po zhvillohet mes familjeve të viktimave, qeverisë dhe drejtësisë, me bazë akuzat e ndërsjellta mes palëve.
Tragjedia e Gërdecit ka kaluar nëpër një kalvar të gjatë seancash gjyqësore, debatesh mediatike, protestash të familjarëve të viktimave, premtime të qeverisë etj.
Familjarët e viktimave të Gërdecit kanë depozituar në Gjykatën e Tiranës një kërkesë, mbi bazën e së cilës kërkojnë rihapjen e hetimeve për ish ministrin e Mbrojtjes, Fatmir Mediu, në lidhje me tragjedinë e Gërdecit.
Kërkesa në gjykatë është depozituar në datën 15 mars 2019.
