Mazhoranca dhe opozita kanë votuar ngritjen e nënkomisionit Ad Hoc që do të vlerësojë anëtarët e Këshillit të Lartë të Prokurorisë.
Kryetar i këtij komisioni do të jetë socialisti Ulsi Manja dhe nënkryetar demokrati Oerd Bylykbashi.
Anëtarët e tjerë të komisionit janë Vasilika Hysi, Nasip Naço dhe Klotilda Ferhati.
Nënkomisioni Ad Hoc prej pesë anëtarësh do të bëjë vlerësimin e kandidatëve nga radhët e juristëve jo gjyqtarë.
Në filtrin e nënkomisionit Ad Hoc do të kalojnë 15 kandidatët që përmbushin kriteret ligjore, 7 nga shkolla e avokatisë, 5 nga trupa e pedagogëve dhe 3 nga shoqëria civile. Lista e kandidatëve më pas brenda 10 ditëve i dërgohet kuvendit që e miraton me 2/3 e votave.
