Këshilli i Lartë i Prokurorisë votoi sot në krye të SPAK, prokurorin Arben Kraja, ndërsa 8 anëtarët e këtij institucioni u betuan këtë të enjte para Presidentit Ilir Meta. Eksperienca në drejtim dhe menaxhim të burimeve njerëzore i dha Krajës, ish- kreu i Dekriminalizimit 6 votat e nevojshme. Koordinatori i Bindjes Demokratike, Astrit Patozi shkruan me ironi në Facebook se kaq gëzim në Shqipëri nuk ka patur as në kohën e Enver Hoxhës, kur vinte dita e rrogave.
Statusi
URIM I VONUAR PËR SPAK-un.
Kaq gëzim të madh dhe të njëkohshëm, saç po shprehet sot për ngritjen e SPAK-ut në Shqipëri nuk ka pasur as në kohën e Enverit, kur vinte dita e rrogave.
A thua se këta prokurorët e rinj, që u betuan paradite në Presidencë, do të hetojnë e çojnë në bankën e të akuzuarve ata fatkeqët e goditur më shumë nga tërmeti.
Ndërsa Lutfi Dervishi me tha se i ngjajnë me delet, që emocionohen nga takimi i parë me ujkun.
Arben Kraja do të jetë drejtuesi i SPAK për 3 vitet e ardhshme, pa pasur mundësinë e rikandidimit. 47-vjeçari Kraja u zgjodh kryetari i SPAK në mbledhjen e sotme të Këshillit të Lartë të Prokurorisë. Prokurori Kraja mori 6 votat e nevojshme për të drejtuar SPAK, ndryshe nga dy “kundërshtarët” e tij.
