Pas vendimit të qeverisë për të nisur procedurat e shkarkimit nga posti i anëtarit të Këshillit Mbikëqyrës, Arben Malaj tha para Komisionit të Ekonomisë se anëtarët e familjes së tij janë kërcënuar.
Sipas Malajt, pas shkarkimit të tij nga detyra fshihet kryeministri Edi Rama: “Ngrihet natën Edi Rama dhe i çon sms Erion Braçes shkarkoni Arben Malaj”.
“Në respekt të familjes time, sakrificat për mandatet e vështira deri në kërcënime familjare, sepse për të ikur familja ime në Amerikë procedurat i ka zbatuar Ahmetaj me ata që kërkuan të ikte urgjentisht se kërcënohej njësoj si familja e një profesori tjetër. Gjërat nuk janë kaq të lehta sa i shikoni. Ngrihet natën Edi Rama dhe i çon sms Erion Braçes shkarkoni Arben Malaj, jo jo, s’janë të lehta.
Pjesën politike do ta bëj vetëm në parlament. Sepse në kulturën time Komisioni i Ekonomisë është thellësisht profesional, në parlament me poezinë e Reshat Arbanës, do t’ia qartësoj se çfarë është duke bërë keq dhe pse duhet ndalur sa më parë për të mirën e tij dhe të popullit. Unë jam i majtë i përkas të majtës dhe raportet e mia me të majtën nuk i kam të kushtëzuara me karrige politike apo profesionale”, deklaroi Arben Malaj.
