Grabitja e fëmijëve tashmë është kthyer në një fenomen shqetësues. Në rrjetet sociale po qarkullon një video, ku tregon një mashkull të veshur si femër, madje grimuar aq sa për të mos u identifikuar. Mediat në Kosovë thonë se ky mashkull grabit fëmijët.
Burri në fjalë, ende i paidentifikuar shëtit rrugëve të Malishevës, Suharekës dhe disa qyteteve të tjera në Kosovë.
Qytetarët e këtyre zonave janë alarmuar, dhe kanë shpërndarë disa fotografi të këtij personi, duke bërë apel të kenë kujdes të shtuar prindërit dhe fëmijët.
Këtë lajm e ka konfirmuar për Gazetën inFokus, zëdhënësi i policisë së Prizrenit, Vesel Gashi.
“Në Policinë e Prizrenit nuk është raportuar një rast i tillë. Por kemi informacione për komunën e Malishevës. Për më shumë detaje telefononi atje”, ka thënë Gashi.
Jo vetëm ky person, por edhe të tjerë shfaqen në hapësira publike, në stacione të autobusëve dhe në shkollat fillore, shtojnë më tej mediat në Kosovë.
