Berisha apo Basha do të dalin të fituar nga kjo betejë? Avokat Spartak Ngjela i konsideron takimet e Sali Berishës nëpër qytetet e ndryshme të Shqipërisë, si antikombëtare. Ngjela është i mendimit se kreu i PD-së, Lulzim Basha, në fund do të dalë i fituar nga kjo betejë, pasi ka mbështetjen e SHBA-ve.
Avokati deklaroi në emisionin “Breaking” në Top News, se kryedemokrati do të forcohet në arenën ndërkombëtare, por edhe në Shqipëri, dhe kjo do të ndikojë në dobësimin e Ramës. Ngjela ka bërë analizën e tij, ndërsa ka dalë në përfundimin se Basha do të fuqizohet edhe më shumë.
Sipas tij, të jesh kundër Bashës, do të thotë të jesh kundër politikës aktuale amerikane. Në analizën e tij, ai thotë se Basha do të forcohet në arenën ndërkombëtare, por edhe në Shqipëri. Nga ana tjetër, Berisha po tenton ta dëmtojë përmes turit. Po kështu, fuqizimi i Bashës është në dëm të Ramës.
“Sali Berisha, nuk është se ka përkrahje, por është mediatik në takime. Këto takime e dëmtojnë Shqipërinë. Kemi të bëjmë me një lëvizje antikombëtare. Ai mendon se dëmton Lulzim Bashën, por kryetari i PD nuk e përfill fare.
Basha nuk po hyn në lojë fare. Unë nuk e kuptoj se çfarë po kërkon Berisha. SHBA i dha një mundësi PD-së, largoni personin “non grata” dhe të vazhdojmë bashkëpunimin. Me shpirt nëpër dhëmbë e bëri Basha. Liderit të PD i kanë dhënë edhe një dosje. Ç’faj kanë shqiptarët që Amerika të ka nxjerrë ty “non grata”?
Individualisht ndoshta Basha nuk ka mbështje, por e mbështet SHBA. Të jesh kundër Bashës, do të thotë të jesh kundër politikës aktuale amerikane.
Unë e dija se Basha do ta merrte këtë vendim. Basha do të forcohet në arenën ndërkombëtare, por edhe në Shqipëri. Berisha po tenton ta dëmtojë përmes turit. Kur ta godasë turin politika amerikane, do marrë fuqi Basha. Fuqia e Bashës është në dëm të Ramës, balancohen krahët e politikës. Do ketë një konkurrencë normale në politike. Dalin këto të miat”, tha Ngjela.
