Një ngjarje tragjike ka ndodhur në Francë. Një grua shqiptare pasi është torturuar fizikisht është vrarë dhe hedhur në mes të rrugës. Zbulimi i trupit të shqiptares u bë nga kalimtarë të rastit në një park, mëngjesin e Krishtlindjes, raporton noa.al
Viktima, u gjet krejtësisht e zhveshur dhe pjesërisht e djegur me cigare, braktisur në një park në Valmasque që rrihet pak nga kalimtarët.
Sipas policisë, viktima është rreth 30 vjeç. “Gruaja 30 vjeçare, ishte shqiptare dhe jetonte në zonën pranë vendit të krimit. Ajo ishte nënë e një fëmije në moshë të vogël”, citon e përditshmja franceze ‘Liberation”.
Autoritetet kanë treguar se shqiptarja kishte bërë një denoncim në vitin 2015 për dhunë fizike dhe verbale. Në trup iu gjetën dy tatuazhe, në njërin prej të cilit kishte emrin e një shqiptari. Ajo ishte e identifikuar si punonjëse seksi në zonë.
