Ndonëse i është nënshtruar një operacioni në gju, sipërmarrësi Gjergj Luca ka replikuar me avokatin Ngjela pas një interviste që ky i fundit ka dhënë si kundërpërgjigje për protestën e opozitës në datën 6 dhjetor. Ditë që përkon me ardhjen në Tiranë të lidervë evropianë në konferencën e përbashkët Shqipëri-Maqedoni e Veriut-BE. Sipas Lucës, qëllimi i vetëm i protestës është të kthejë vendin në të prapambetur, pas në kohë dhe ta largojë nga Evropa.
“Pash një intervistë të avokatit, një nga miqtë e mi më të mirë, të avokat Ngjelës. Avokati çuditërisht mu duk jashtë zakonisht i kthjellët, koncizë, jashtëzakonisht goditës në fjalët dhe argumentet që dha.
Avokati ngriti 2 probleme të rëndësishme. Avokati ngrit problemin e datës 6, që partia ime dhe partia e avokatit ka bërë thirrje për të dalë e për të bërë një demonstrim, për të pritur si opozitë liderët e Evropës dhe problem i dytë ishte problem i portit të Durrësit.
Jam totalisht dakord me fjalët dhe argumente me fjalët që ngriti. Më duket e çuditshme se si duhet të dalim dhe t’i presim me protestë. Do ishte shumë bukur, të ishte protestë me lule, protest falënderimi për ata njerëz që ne na hapën dyert, na mësuan abc-në e punës, që na dhanë bukë, që na vunë në rresht me edukatën e punës.
Që na hapën sot dyert e tratativave për të hyrë në Evropë, që pas kaq përpjekjeve të puna dhe tek e vërteta e një lideri tonin. Që për fatin tonë të mirë, është njeri që e vërteta e tij është nëpërmjet punës. Unë ndjej miqtë e mi, dhe jo vetëm unë po dhe strukturat tona që janë në Evropë, po të gjithë njerëzit që punojnë me djersë të ballit me të gjithë shqiptarët, që ne e kanë hequr bishtin si Evropë dhe nuk kemi më bisht. Ai lloj mitingu do të na vërë prapë bishtin, është e tmerrshme. Po të jetë me lule, unë do jem i pari që do vij atje.
Dhe e dyta, porti i Durrësit, dua t’i them avokatit, po të ishte për xhelozi që ketë e kundërshtoj, do të ishte bukur se do të kishte konkurrencë politike, por kjo është për xhelozi, është për poshtërsi. Se janë bërë bashkë që ta kthejnë përsëri Shqipërinë në ’97, që ne të na vënë bishtin”, u shpreh Gjuca.
