Shumë zhurmë bëri një deklaratë e ministres Elisa Spiropali, e cila i tha aktivistit të Nisma Thurje, Endri Shabani “Unë ty të haj për mëngjes”. Ministrja e Shtetit për Marrëdhëniet me Parlamentin, pati një përplasje të fortë me Shabanin në emisionin “Open”. Deklarata e Spiropalit bëri xhiron e rrjetit, por mesa duket ajo nuk do ta lërë me kaq.
Mëngjesin e sotëm ajo ka postuar në rrjetet sociale një foto, ku tregon se po ha mëngjesin. Por ajo çfarë ka ngacmuar ndjekësit është se fotoja e shkrepur është e marrë nga interneti. Ndjekësit e saj e kanë vënë re këtë, dhe kanë filluar me komentet dhe ironitë, duke i thënë ministres që ti marrë fotot por pa shkrime sipër, në mënyrë që të mos dallohen.
Spiropali nuk i ka lënë pa thumbuar, ndërsa thotë se foton e mori në internet për të mos e marrë në Gërdec. Një “thumbim” për Shkëlzen Berishën, djalin e ish-kryeministrit Sali Berisha, i cili ka marrë një kredi me vlerë 1.8 milionë euro nga një bankë për të bërë biznes me përpunimin e boronicave.
Shkëlzen Berisha kishte blerë me kredi një fabrikë me vlerë 1.8 milionë euro, në afërsi të fshatit Gërdec, për përpunimin e frutave, kryesisht boronicat. Këtë veprim financiar, Berisha nuk e ka deklaruar në Inspektoriatin e Lartë të Deklarimit të Pasurive (ILDKPKI).
