Pas seancës së gjyqit, Tahiri ka reaguar sërish. Këtë herë ai ka zgjedhur rrjetet sociale, për të ripërsëritur edhe njëherë atë që tha përpara gjykatës.
Ish-ministri i Brendshëm, Saimir Tahiri, pas shtyrjes së seancës së katërt dhe pritjes së pretencës nga Prokuroria tashmë më 10 shtator, me pretendimin se gushti është periudhë pushimesh, ka shfryrë dufin pas prononcimit për mediat.
Ish-ministri ka ironizuar se gjyqi ndaj tij po zhvillohet më ngadalë se një breshkë. Bashkëngjitur një fotoje, ai jep mesazhe të qarta, ndërsa kërkon vetëm drejtësi.
Statusi
Me avash se Breshka…
U shty perseri, kesaj radhe se eshte gushti perpara, e gushti eshte pushim ???
Nje mal me politikane i jane shmangur drejtesise me shtyrje. Se kjo histori filloi me burra me mustaqe e perfundoi me burra me botox e flokelyer.
Ndersa une kerkoj te mos shtyhet! Vetem kaq! Drejtesi!
Kur kjo zvarritje ndodh me mua qe kam mundesi te flas para mediave, vaj halli ç’ndodh me njerezit qe ulerasin per drejtesi e nuk degjohen.
P.S. Me gjithe respektin per breshken…
