Nga 13 tetori në Kosovë nuk mund të hyni vetëm me një dozë të vaksinës. Është ky vendimi i vendosur nga qeveria, pas situatës me infektime masive.
Ministria e Shëndetësisë ka publikuar masat e reja. Në mesin e tyre, Ministria e Shëndetësisë ka bërë të ditur se nga 13 tetori 2021, për të hyrë në Kosovë qytetarët duhet të posedojnë dëshminë e vaksinimit me dy dozat e saj.
“Përcaktohet se nga data 13 tetor 2021, çdo person i cili hyn në Republikën e Kosovës, duhet të posedoj certifikatën e vaksinimit të plotë, apo ndonjërën nga dëshmitë e cekura në pikën 2.2 deri 2.4. Pra nuk do të jetë më e majftueshme marrja e vetëm një doze. E njëjta vlen edhe për punonjësit në institucione dhe ndërmarrje publike”, thuhet në njoftim.
