Aleksandar Vuçiç, sot në krye të shtetit serb dhe faktor shumë i rëndësishëm për politikën serbe, ka komentuar foton e famshme ku po i ‘sillte’ birra Sheshelit.
Gjatë intervistës së mbrëmshme në TV Pink, Vuçiç ka komentuar fotograninë që është bërë virale. Ai duket se po mban birra për Kryetarin e Partisë Radikale Serbe, Vojisllav Sheshel, të cilën e ka quajtur foto-montazh.
“Ajo foto është bërë në Komisionin e Zgjedhjeve, dhe nuk jam duke e bartur birra, por një kuti me nënshkrime për pjesëmarrje në zgjedhje.
Ata e kanë montuar thuajse si të vërtetë, që unë po mbaj birra për Sheshelin dhe e kanë shpërndarë në tërë rajonin. Shesheli nuk ka pirë birrë asnjëherë, por vetëm koka-kollë”, ka deklaruar Vuçiç.
Prej disa vitesh, një fotografi është shpërndarë në rrjetet sociale, ku shihet presidenti aktual i Serbisë duke sjellë një arkë me birra në dhomën ku janë ulur Tomislav Nikoliç dhe Vojislav Sheshel. Kjo foto nuk është shpërndarë pa qëllim, pasi Vuçiç dikur ishte anëtar i partisë së Sheshelit.