Dëmtimi i Neymar duket se është më serioz nga sa u mendua. Ylli brazilian u dëmtua në ndeshjen e së dielës përballë Marseille, në klasiken e Liga 1, para sfidës së kthimit të 1/8 finale të Ligës së Kampioneve me Real Madridin.
“Globoesporte” në Brazil shprehet se ka vendosur që të kryej një ndërhyrje në kyçin e këmbës së djathtë, pasi do të bëjë një operacion, kështu që do të jetë jashtë fushave për dy muajt e ardhshëm.
Në këtë mënyrë, transferimi rekord botëror në futboll prej 222 milionë eurosh, nuk do të jetë në gjendje të përballet me Real Madridin më 6 mars dhe do të rikthehet në fushat e lojës në muajin maj, një muaj para fillimit të Kupës së Botës. Pra, do të jetë në gjendje ta ndihmojë skuadrën e tij në ndeshjet e fundit të Ligue 1 dhe Champions-it, nëse PSG-ja do të mbijetojë më tej në kompeticionin më të rëndësishëm për klubet në Europë. Vendi ose mjeku, i cili do të kryejë operacionin, ende nuk është vendosur.
