PSG pavarësisht investimeve të mëdha që ka bërë akoma nuk po arrin të shkëlqejë në Champions League. Ata nuk arritën të marrin më shumë se një barazim përballë Napoli, gjë që e komplikon kalimin e fazës së grupeve.
Në fund të ndeshjes Neymar është larguar nga fusha me nxitim dhe mjaft i nevrikosur. Ai nuk takoi shokët e skuadrës, madje nuk i dha dorën as trajnerit Tuchel që e shikoi mjaft i habitur.
Por, pse ishte gjithë ai duf i Neymar në fund të ndeshjes? Sadopak ai duhet të kishte një shenjë shprese në fytyrë sepse goli i Di Marias i mban në lojë ende, kleçka është Edinson Cavani!
Dihet që braziliani nuk ka marrëdhënie të mira me sulmuesin uruguaian, për më tepër ata u përfshinë në një përplasje në lojë. Neymar po u përgatiste të gjuajte një top që po vinte drejt tij, por Cavani nuk e vë re atë dhe tenton të godasë vetë. Përfundimi: Të dy dalin huq dhe Neymar mbeti i dëmtuar lehtë.
Kjo mendohet të jetë shkaku i nervave të sulmuesit, duke qenë se ecuria e PSG nuk është e mirë në Champions pavarësisht milionave të shpenzuara nga pronarët sheikë.
