New York Times ka publikuar ditën e sotme një shkrim që trondit Cristiano Ronaldon. Prestigjiozja amerikane ka zbuluar se Juventus ka kërkuar që të mos jetë pjesë e turneut të zakonshëm në Shtetet e Bashkuara për të diskutuar International Champions Cup për shkak të portugezit. Kjo pasi ekziston frika që Ronaldo në momentin që të shkeli në tokën amerikane mund të arrestohet nga policia. Për këtë arsye bardhezinjtë kanë kërkuar që ti luajnë ndeshjet në Kinë e Singapor.
Një vendim, që lidhet me problemet me drejtësinë të Cristiano Ronaldo, pas rihapjes së hetimit kundër tij, për pretendimin për përdhunim në dëm të Kathryn Mayorga.
Për momentin nuk është asgjë e konfirmuar, edhe pse Juventus ka lajmëruar vetëm që do të marrë pjesë në ICC 2019, pa dhënë detaje të tjera, duke lënë takim në 27 mars për njoftimin e kalendarit zyrtar të ndeshjeve në program. Por lajmi bëri menjëherë xhiron e botës, duke tërhequr interes.
Sipas New York Times, në fakt, Juve ka kërkuar nga Relevent Sports, shoqëria që organizon International Champions Cup, të marrë pjesë në “versionin aziatik” të turneut sepse ekziston frika që CR7 mund të arrestohet në SHBA për shkak të zhvillimeve në çështjen Mayorga.
