Kreu i Grupit Parlamentar të PD, Enkelejd Alibeaj, ka pohuar se ai dhe mbështetësit e tij nesër nuk do të marrin pjesë në votimin për zgjedhjen e Presidentit të ri. Alibeaj u shpreh se Presidenti duhet të ishte simbol i unitetit të popullit, duke theksuar se kjo është arsyeja pse janë futur në këtë proces që në fillim. Sot pasdite do të bëhet publik emri i kandidatit që PS do të dërgojë në Parlament, si kandidat për President. Sekretari i Përgjithshëm i kësaj force politike, Damian Gjiknuri, ka deklaruar se do të jetë një kandidat shumë dinjitoz për marrjen e këtij posti.
“Zgjedhja e Presidentit të shqiptarëve që duhet të simbolizonte unitetin e popullit. Kjo është arsyeja pse që në fillim, duke respektuar detyrimet tona ndaj zgjedhësve u futëm në proces pa u fshehur. Duke marrë pjesë dhe duke përcaktuar rregullat se si procesi duhet të ishte.
E vutë re të gjithë. Tërheqjen. Mospërmbushjen e detyrës që kanë palët politike. Rama tha në fillim që donte një President konsesual.
Ndërsa sot një ditë para zgjedhjes, askush nuk e di emrin e Presidentit. Ne i kemi bërë të gjitha shërbimet ndaj Kushtetutës. Nesër nuk ka asnjë sens që PD-ja të marrë pjesë në procesin e votimit”, tha ai.
