Vendi ynë u ndikua sot nga kushte relativisht të qëndrueshme atmosferike, ndërsa moti ka qenë kryesisht i kthjellët e vranësira kalimtare.
Përgjatë orëve të drekës dhe ato të pasdites, në relievet malore vranësirat do të shoqërohen me reshje shiu të izoluara.
Ashtu si dita e sotme edhe për ditën e nesërme moti parashikohet kryesisht i kthjellët si dhe alternime vranësirash kalimtare. Në orët e mesditës, në relievet e larta malore parashikohen reshje shiu të dobta dhe lokale.
Për ditën e diel, pritet një përkeqësim i lehtë. Moti parashikohet me alternime kthjellimesh dhe vranësirash në të gjithë territorin. Në zonën e jugut parashikohen reshje shiu të herëpashershme me intensitet të ulët, dhe lokalisht do të jenë në formën e shtrëngatave dhe stuhive afatshkurtër.
