Pas njoftimit të përcjellë nga ministrja Manastirliu, është marrë vendimi që nesër në Shkodër të hapet transporti publik dhe ai ndër-qytetas. Transporti publik do të hapet në orën 06:00 të mëngjesit.
Po nesër do të hapet transporti ndër-qytetas Shkodër-Tiranë.
Vendimi në fjalë ka ardhur pas njoftimit të anoncuar nga ministrja e Shëndetësisë, Ogerta Manastirliu, e cila tha se do të hapet transporti publik dhe ai ndërqytetas, por në masa të rrepta sigurie, për të shmangur përhapjen e pandemisë.
“Komiteti Teknik i Ekspertëve ka vendosur hapjen e transportit publik, por vetëm nën protokolle strikte, tashmë të miratuara, ku vendosja e maskës qoftë nga ata që shërbejnë apo nga qytetarët që e përdorin transportin publik, do të jetë e domosdoshme dhe nuk do të tolerohet asnjë thyerje e këtij rregulli”, tha Manastirliu.
