Diego Armando Maradona është një nga kritikët më të mëdhenj të kombëtares Argjentinase edhe pse ai dështoi që ti çonte drejt suksesit ata kur ishte trajnerë. Ai ka vazhduar të kritikojë trajnerin aktual, Jorge Sampaoli, të cilin nuk e ka pëlqyer asnjëherë që nga momenti kur mori atë post. Maradona e kishte kritikuar shumë edhe për grumbullimin e Mauro Icardit, por në listën përfundimtare Sampaoli nuk e grumbulloi bomberin e Serie A.
“Kam besim te lojtarët, por jo te trajneri Sampaoli. Ai nuk ka një lojë të qartë në mendje, nuk ka një shtyllë kurrizore kur sulmon ose mbrohet”. Ish-ylli i Argjentinës ka vazhduar: “Në konferencën për shtyp të zhvilluar të hënën ka thënë se do të luajë me modulin 2-3-3-2 dhe kjo është qesharake.
Është një skemë e 1930-ës. Problemi nuk janë lojtarët, por ai që i drejton dhe që i thotë atyre se çfarë duhet të bëjnë në fushën e lojës. Nëse trajneri nuk është i qartë, lojtarët nuk mund të bëjnë mrekulli”.
