Kreshnik Spahiu tha në “Open” se presidenti Meta i bën presion kreut të PD-së, Lulzim Basha, që të rrisë numrin e ministrave të LSI. Themeluesi i Aleancës Kuq e Zi, u shpreh se kryedemokrati Basha duhet të bëjë protesta, por në vend të kësaj i premton tregtarëve të veshmbathjeve tezga të reja. Ai foli mjaft qartë, ndërsa pohoi se nëse shkrihet LSI-ja, ikën edhe Ilir Meta.
“Opozitarizmi i Ilir Metës është presion ndaj Bashës, për të rritur numrin e ministrave të LSI nëse vjen në pushtet. Ilir Meta dhe LSI-ja janë nofulla të së njëjtës gojë.
Nëse shkrihet LSI-ja, ikën edhe Ilir Meta. Meta nuk i bën presion Ramës, ç’lidhje ka me Ramën.
I bën Bashës dhe merr rolin e kryeopozitarit. Atë që duhet të bëjë Basha. Basha duhet të bëjë protesta, unë dje e pashë Bashën te veshmbathjet te tregu çam. E kuptoni? Në vend të bëjë protesta, i premton tregtarëve të veshmbathjeve tezga të reja”, tha Spahiu.
