Filmi “2 gisht mjaltë” pati një jehonë të madhe para se të dilte në kinema. Radhët e gjata, dëshmonin se filmi kishte goxha pritshmëri. Po kështu postimi i pjesëve të segmetuara të filmit në rrjetet sociale, dhanë rezultatin e pritshëm. Aktori e njëkohësisht moderatori Ermal Mamaqi, i është përgjigjur se sa para ka fituar nga filmi “2 gisht mjaltë”. Në një intervistë të dhënë për “Cineropa”, ai ka thënë se filmi ka mbledhur më shumë se 1 milion euro.
“Filmi ka mbledhur më shumë se 1 milion euro në kinema, dhe në muajin e parë shitëm 250 mijë bileta. Buxheti i filmit ishte gati 300 mijë euro.
Gjysmat e parave ishin të miat, dhe gjysmat e sponsorëve. Në fillim kisha frikë nëse do mund t’i merrja sërish paratë, apo do humbja. Por ky është biznesi. Nëse di si të luash, është lojë e mirë. Nëse nuk di, është si kumar”.
