Aktori Neritan Liçaj, teksa e quan kryeministrin Rama një mësues vizatimi, ka deklaruar se ai bën mirë të mbyllë gojën lidhur me dhënien e argumenteve pse duhet të shembet godina e Teatrit Kombëtar.
I ftuar në emisionin “Tempora”, Liçaj u shpreh se një ndër aktorët më të mëdhenj botërorë, që ka luajtur në të gjithë botën, sipas tij, e ka cilësuar sallën e teatrit kombëtar më të ngrohtën dhe të bukurën.
“Një nga aktorët ikonë të teatrit botëror, ai që ka luajtur “Nënën e Krishtit” tek “Pasioni i Krishitit” që ka dhënë shfaqje aty, meqë na bën gjithologun mësuesi i vizatimit që kemi për kryeministër… Ka luajtur në çdo cep të botës edhe në Alaskë dhe ka thënë në sy të trupës se Teatrit kombëtar: “Nuk kam parë sallë më të veçantë dhe më të ngrohtë teatrale se kjo”. Prandaj mësuesi i vizatimit të mbylli gojën dhe të merret me ato gjërat e veta”, u shpreh Liçaj.