Aktori Neritan Liçaj ka mbajtur sot një fjalë para qytetarëve, që kanë ardhur në manifestimin e thirrur nga presidenti Ilir Meta.
Liçaj tha se ky është një manifestim mbarëkombëtar, dhe nga sot do të nisë pranvera kuq e zi. “Mirë se keni ardhur në këtë ditë të parë të pranverës kuq e zi, në këtë ditë historike të besëlidhjes së madhe të qytetarëve, në mbrojtje të Kushtetutës, në mbrojtje të lirisë, të atdheut tonë të dashur Shqipëri. Ky manifestim madhështor është fronti më i madh kuqezi si asnjëherë tjetër kundër grushtit të shtetit, dhe rrëzimit të institucioneve në Shqipëri”.
Qytetarët mbajnë në duar flamuj kuq e zi, sikurse ishte edhe thirrja që kreu i shtetit u ka bërë pak ditë më parë, për të mos mbajtur asnjë flamur partiak.
Këtij manifestimi i janë bashkuar edhe banorët e Astirit, si dhe një grup qytetarësh me banderolën “Mbro teatrin”.
