Neritan Ceka ka komentuar protestën kundër shembjes së Teatrit Kombëtar, protestë e cila ka filluar që në orët e para të mëngjesit dhe ende vijon.
I ftuar këtë mbrëmje në emisionin “Arena”, Ceka u shpreh se ka shkuar në teatër që në moshën 5-vjeçare, ndërsa thekoi se asnjëherë nuk ka parë aty kryeministrin Rama apo ministrat e tij.
“Ata që nuk shkojnë kurrë në teatër marrin një vendim për ata që e bëjnë teatrin dhe shkojnë në teatër. Unë kam shkuar në atë teatër që 5 vjeç dhe nuk e kam parë kurrë, zotin Edi Rama, zotin Erion Veliaj, ministrat e kësaj qeveria në asnjë teatër. Unë shkoj kudo, në atë Kombëtar, tek Turbinat. Nuk shoh kurrë asnjë nga këta. Nuk kanë të drejtën morale të vendosin për një teatër që nuk shkelin. Mund të vendosin për kazinotë, hotelet me 5 yje, fluturimet por i vetmi vend që këta njerëz nuk kanë të drejtë të marrin vendim është Teatri Kombëtar”, deklaroi Ceka.
