Një qytetar i divorcuar ka dërguar në “Stop” video të dhunës barbare që ish-gruaja e tij ushtron ndaj fëmijëve.
Nëna, që ka marrë kujdestarinë e fëmijëve shfaqet në video duke rrahur fëmijët fizikisht me duar dhe me shkop.
“Babai i fëmijëve që është i divorcuar më ka shkruar i shqetësuar. Duhet të shqetësohen të gjithë Shërbimi Social, policia, çfarë ka, ku e njohin, t’i marrin kalamajtë, t’i mbajnë afër psikologëve dhe këtë ta detyrojnë të pastrojë ujërat e zeza në të gjithë Lanën, ku e ka bërë Lali Eri nga fillimi deri në fund, edhe jo me lopatë, por me atë që pastrojnë prushin te oxhaku. Shpëtojini këta fëmijë. Kanë nevojë sot, përveçse t’i hiqni nga druri, kanë nevojë që të jetojnë mirë, të kuptojnë që mamaja nuk është thjesht për të rrahur.
Kjo është të luash mendsh. I kam kërkuar babait që më jep adresën, por duke më njohur natyrën time poetike tha, jo nuk ta jap. Është e tmerrshme”, tha Kodra./tvklan.al
