“As këtë herë Merkel nuk i jep Shqipërisë premtim për negociatat e anëtarësimit me BE”. Me këtë titull agjencia e lajmeve Reuters në gjuhën gjermane ka qenë e para që ka botuar lajmin pas takimit Rama Merkel Berlin. Kancelarja Angela Merkel nuk i dha ende premtim Shqipërisë për çeljen e negociatave me BE.
Pasi Komisioni Evropian me 17 prill rekomandoi fillimin e negociatave me vendin e Ballkanit Perëndimor është samiti i BE-së në qershor që do të vendose tha Merkel në takimin me kryeministrin Edi Rama në Berlin. Që të fillojnë negociatat ka një seri parakushtesh theksoi Merkel. Ajo lavdëroi Shqipërinë që kishte avancuar me disa reforma si verifikimi i gjyqtareve e prokuroreve. Por në sfond janë lufta kundër krimit të organizuar e kundër korrupsionit.
“Në javët e ardhshme do të kemi mendimin përfundimtar nëse duhen bërë edhe disa gjera apo nëse progresi është i mjaftueshëm” tha Merkel. Kancelarja theksoi qëndrimin e përgjithshëm se të tëra shtetet e Ballkanit Perëndimor kanë perspektivën e anëtarësimit në BE.
Me herët kryeministri shqiptar kishte paralajmëruar që BE nuk duhet të zhgënjejë popullsinë në vendin e tij. “Një fund i perspektivës së BE-së mund të shkaktojë zhvillime të këqija , jo vetëm një radikalizim të myslimaneve” tha Rama. TIRANA TODAY
