Kryeminsitri i Maqedonisë së Veriut, Zoran Zaev deklaroi se është e padrejtë pë Shqipërinë, që të penalizohet në rrugën e saj drejt integrimit evropian, për shkak të përplasjes midis vendit të tij dhe Bullgarisë.
Në një intervistë për gjermanin ”Deutsche Welle”, Zaev u shpreh se Shqipëria duhet të ndahet nga Maqedonia e Veriut, dhe se nuk mund të mbetet peng i këtij konflikti.
“Çdo shtet meriton të gjykohet nga rezultatet e tij. Edhe unë i uroj me vërtete fat fqinjit tonë perëndimor, Shqipërisë, të vazhdojë në atë rrugë nëse Bullgaria vijon të bllokojë procesin. Fqinji ynë meriton të vazhdojë në rrugëtimin e tij drejt Bashkimit Evropian dhe nuk është e drejtë që procesi të jetë i lidhur me shtete te tjera. Unë e besoj se të dy vendet është më mirë të gjykohen veçmas”, tha Zaev.
Mosmarrëveshjet mes Sofies dhe Shkupit lidhen me historinë dhe gjuhën. Bullgaria kërkon garanci se Maqedonia e Veriut nuk do të mbështesë asnjë pretendim ndaj një pakice maqedonase në Bullgari. Po ashtu kërkon që dokumentet zyrtare të BE-së të shmangin përmendjen e “gjuhës maqedonase”.
