Në samitin 16+1 mes vendeve të Europës Juglindore dhe Kinës ka qenë i pranishëm edhe kryeministri Rama, i cili ka zhvilluar edhe një takim me homologun grek, Alexis Tsipras.
Sipas njoftimit zyrtar të Qeverisë, “biseda mes kryeministrave shqiptare dhe grek u përqendrua në reformat e ndërmarra nga Shqipëria me synim hapjen e negociatave me Bashkimin Europian si edhe në nxitjen e mëtejshme të marrëdhënieve dypalëshe jo vetëm në rrafshin politik e të fqinjësisë së mirë, por edhe në shkëmbimet tregtare dhe investimet e huaja.
Kryeministri Rama vlerëson qëndrimin e Athinës zyrtare mbi të ardhmen e Shqipërisë në BE dhe rolin që qeveria greke luan për çeljen e negociatave mes Shqipërisë dhe BE”.
