Kryeministri Edi Rama dhe kryetari i Bashkisë së Tiranës, Erion Veliaj, kanë mbajtur gjatë paradites një takim me disa studentë në Qytetin Studenti. Gjatë bashkëbisedimit, Rama nuk kurseu as batutat me ta.
Ai tha se studentët e shtynë sezonin në korrik, për shkak të protestave që zhvilluan. Madje, ai tha se nëse studentët do të vijojnë me protestat, ata do të përballen me zgjatjen në kohë të provimeve. Ndaj, duhet ta mendojnë dy herë se çfarë veprimi do ndërmarrin.
Pjesë nga biseda
Rama: Do vazhdojmë punën me dhomat, kur ju të na jepni mundësinë. Sezonin e zgjatët vetë, bravo ju qoftë…
Veliaj: Kur mbaron tamam, në mes të korrikut?
Rama: 21 korrik. S’i dihet, mund të bëhet dhe ndonjë bllokim tjetër rrugës, dhe mund ta shtyjmë dhe në gusht, nuk ka problem, aty e keni. E zgjatët vetë, në vend të shkonit në korrik me pushime, të bënit dhe ndonjë punë të mblidhnit ndonjë lekë, do rrini këtu në mes të vapës. E ça vape do jetë këtë korrik…?! Nuk e keni idenë.
