Nga policia vijnë raportime e para për aksionin kombëtar që është duke zhvilluar FNSH-ja. Mësohet se shënjestra të aksionit të FNSH-së kanë qenë personat me rrezikshmëri të lartë, makinë luksoze të vjedhura apo me targa të huaja.
Sipas raportimeve deri tani janë bllokuar në Tiranë 5 makina luksoze dhe drejtuesit e tyre janë shoqëruar në komisariatet e policisë. Aksioni është shtrirë dhe në Durrës, teksa mësohet se të paktën 10 mjete luksoze janë bllokuar nga policia në qytetin bregdetar.
Blutë pas bllokimit janë duke kryer verifikimet përkatëse. Raportohet se policia nuk ka hasur asnjë rezistencë gjatë aksionit.
