Taulant Balla ka fajësuar PD-në dhe LSI-në për dhunën ndaj policëve. Kreu i grupit parlamentar të Partisë Socialiste, i kërkoi Prokurorisë të nisë menjëherë hetimet për dhunën e ushtruar ndaj punonjësve të policisë.
“Dhuna ndaj policëve sot është një turp i radhës për PD dhe LSI-në. Në vend që të ishin ne kuvend për të biseduar për buxhetin, bëhen bashkë me një grup zaptuesish, emrat e të cilëve janë bërë publik nga kryeministri në këtë foltore,” tha Balla.
Po ashtu, deputeti u uroi shërim të shpejtë policëve të dëmtuar, por edhe qytetarëve të lënduar rastësisht.
“Më lejoni që ne emër të grupit parlamentar t’iu uroj shërim të shpejtë policëve të dëmtuar, shërim të shpejtë për çdo qytetarë të lënduar rastësisht dhe të motivuar politikisht. Thirrja ime është ndaj prokurorisë së Tiranës që të fillojë menjëherë hetimet. Jeta dhe shëndeti i çdo polici është preokupimi ynë madhor”, shtoi ai.
