Gjashtë anëtarë të dyshuar të organizatës ISIS, u arrestuan në Spanjë, Britani të Madhe dhe Gjermani, në kuadër të një hetimi ndaj individëve që tentojnë rekrutimin e luftëtarëve në emër të Shtetit Islamik, njoftoi Ministria e Brendshme spanjolle, e cila kishte iniciuar këtë hetim.
“Operacioni i djeshëm mundësoi arrestimin e anëtarëve të këtij grupi me bazë në Palma de Majorka, ku kreu i këtij rrjeti ishte një “imam salafist” i cili u arrestua në Britaninë e Madhe”, thuhet në deklaratë.
Besimtari 44 vjeçar, objekt i një mandat arresti evropian u arrestua në Birmingham, në një prej strehëve kryesore të islamikëve britanikë, njoftoi policia lokale.
Hetimi kishte nisur në vitin 2015, pas zbulimit në internet të një videoje për rrugëtimin e një të riu mysliman që jetonte në Spanjë, ku përshkruhet indoktrinimi i tij, deri në momentin e nisjes drejt Sirisë.
