Një 29-vjeçar shqiptar është arrestuar në Spanjë.
Shtetasi G.M, banues në Reps, ishte shpallur në kërkim ndërkombëtar.
Në vitin 2018, gjykata kishte vendosur masën ‘arrest me burg’’, për disa vepra penale, kryesisht për trafikimin e lëndëve narkotike.
”Ky shtetas ishte i shpallur në kërkim ndërkombëtar nga ZQK Interpol Tirana, pasi Gjykata e Shkallës së Parë për Krimet e Rënda, Tiranë, në vitin 2018, ka vendosur, masën e sigurimit “Arrest me burg”, për veprat penale “Prodhimi dhe shitja e lëndëve narkotike”, “Trafikimi i lëndëve narkotike, e kryer në bashkëpunim në formën e posaçme të “Grupit të strukturuar kriminal”, “Kryerjes së veprave penale nga organizata kriminale dhe grupi i strukturuar kriminal”, informon policia.
I riu do të ekstradohet nga Spanja për në Shqipëri.
Shtetasi G. M., në bashkëpunim me shtetas të tjerë ka qenë pjesë e një grupi të strukturuar kriminal që merrej me trafikimin e lëndëve narkotike.
