Ministrja Spiropali në mungesë të kryeministrit Rama, i është përgjigjur interpelancës së deputetit të Partisë Demokratike, Agron Shehaj.
Gjatë fjalës së saj ka ndërhyrë disa herë edhe deputeti Gazment Bardhi, dhe Spiropali nuk i kursyer batutat me deputetin demokrat. Por deputeti Bardhi nuk është kursyer, duke ia kthyer më të njëjtën monedhë. Bardhi i ka sjellë në vëmendje Spiropalit akuzën për 5 mln euro, teksa shton se ajo është në garë me ministren Xhaçka, zonja 5.5 mln euro.
“Mu drejtua në mënyrë të pahijshme, kam të drejtën e replikës. Të dëgjova; më dëgjo. Më the që më ke ndjekur në TV. Më shpalle në garë me një prej kolegëve. Tek të dëgjoja, mu kujtua një fjalim që ke mbajtur ti kur kërkohej Komisioni Hetimor për inceneratorët.
Shpalle investitor strategjik KLodian Zoton, Mirel Mërtirin dhe Stela Gugalljan. I shpallët shenjtorë që do shpëtonin Shqipërinë nga plehrat. Sot janë në kërkim dhe janë kriminel ordiner që kërkon nga drejtësia. Sa për garë ky Kuvend ka madam 5 mln euro, sot ka madam 5.5 mln euro. Sot në garë Je ti dhe Xhaçka”.
Në përgjigjen e saj, ministrja Spiropali thotë se përsa i përket deputetëve të opozitës, nuk kanë garë pasi ata janë të humbur.
“Stë përmendin më as në PD, je si hije. Me garë pa garë, ju jeni të humbur. Ku është puna juaj, se jeni në garë me njëri-tjetrin i bën për të qeshur të gjithë se për të qarë i bëtë kur ishit në qeveri”, tha Spiropali.
PD e akuzon Ministren e Jashtme Olta Xhaçka se ka përfituar nga pasuritë shtetërore nëpërmjet bashkëshortit të saj biznesmen dhe kunatës së saj, që nëpërmjet dokumenteve është paraqitur si investitore amerikane strategjitike.
