Vetëdorëzohet në polici autori i dyshuar i vrasjes me thikë të 16-vjeçarit D.Vrenozi. Vetëdorëzimi erdhi rreth 3 orë pas vrasjes. Shtetasi i vetëdorëzuar është Florian G. rreth 17 vjeç.
Rreth orës 16:30, është transportuar në Spitalin Rajonal Fier i plagosur me mjet prerës shtetasi D.Vrenozi, 16 vjeç, banues në Hoxharë të Vjetër. Pavarësisht përpjekjes së bluzave të bardha për ti ardhur në ndihmë, ai ka ndërruar jetë në spital.
Në bazë të protokollit, spitali ka njoftuar policinë që është vënë menjëherë në lëvizje dhe ka nisur hetimet për zbardhjen e ngjarjes.
Burime zyrtare nga policia e Fierit thanë se, dyshohet se ngjarja ka ndodhur në vendin e quajtur “Zogu i Zi”, ku pas një sherri mes dy të rinjve ka mbetur i plagosur me thikë shtetasi D.Vrenozi.
